Q-Chief kufunga ndoa January 2016!

Staa wa muziki Aboubakary Shabani Katwila a.k.a Q-Chief, ambaye tayari amejaliwa kuwa baba yuko mbioni kuiaga kambi ya mabachela.

Q-Chief ametangaza kuwa sasa ameona ni wakati muafaka wa kufunga pingu za maisha na mpenzi wake wa muda mrefu.

Akizungumza na E-Newz ya EATV, Q Chilla amesema katika maandalizi yake hayo ya harusi itakayofanyika mwezi January mwakani, pia ameandaa wimbo maalum kwa ajili ya mchumba wake huyo ambaye ni mzaliwa wa hapa nchini Tanzania.

“Wimbo ambao nimemzawadia mke wangu mtarajiwa ambaye natarajia kumuoa January au January katikati hapo, ni mwanamke mstahimilivu ambaye amenipa moyo katika kipindi kigumu kwahiyo nikasema hapana ngoja nifanye kitu kwa niaba yake kwahiyo hii ni zawadi yake” alisema Q Chilla.